تريّثي ياصدى صوتي وخففي نبـرة الأحـزان
تعلّمي من نزيف الجرح كيف اصبر على همـي
أنادي والسما غيمـة تثـور بداخلـي بركـان
ودفتر من قصيد الأمس على جال البحر مرمي
سكنتك بيت ياكبره وشكلّـت بسمـاك ألـوان
شربتك كاس بيديني وأثاري الكـاس من سمـي
دخيلك جاملي الدمعه !! ترا مهما أكون أنسـان
شاعر قلـب تحكينـي وأزود حبرهـا دمـي
كرهت البيت بغيابك ! كرهت الباب والجـدران
ليامن شفت لك صورة تنسينـي حنـان أمـي
أبرحل وأترك الماضي وأجدد حاضر العنـوان
ابجمع من شتاتي قلب واسافر في بحر غمـي
تصوري لو نساني الكون وصرت بعالم الحرمان
أناديلك .. واصوّت لك .. ولاحتى تلـدْ يمـي
أمانه لو جعلتيني مسافر فـي سمـا النسيـان
أمانه جاوبي صوتـي لجـل مايحتـرق دمـي
أبي لو ساعه من وقتك . أنا ماقلت أبيك ازمان
أبيك العاشق المغـرم علـى قلبـي ومهتمـي
أبيك تعيشيني قصة ! بطلة خاينة وأنا الخـوان
أبي كل البشر تحكي وتتسابـق علـى ذمـي
على هونك ظلام الليل!! أشوف الليل ماقد حان
علامك تلوي ذراعي !! تبعثري فينـي وتلمـي
حرام تشوف دمعاتي وتنسى أني بقايا أنسـان
أحاول اجمع شتاتي وعجزت اليوم فـي لمـي
حبيبي لو تبيني ابعد واعانق دفتـر الكتمـان
تعال احضر عزا قلبي مادام الشـوف منعمـي
.تصور مابقا فيني سوى باقـي رمـد بركـان
ودفتر من قصيد الأمس على جال البحر مرمي
نـــــــــــــبـــــرة الأحــزان..........ز 
[/url[/img]
العرض العادي
