ارتفع ضغط صاحبنا الشاعر

وفيه شاعر ارتفع ضغطه

الراس صاير فيـه ورشـة حـداده *** قام يتحلل فيـه مسمـار ...مسمـار
قلت الركـاده ميـر ويـن الركـاده *** كنّي مع الحجاج في رمـي الاجمـار
من عقـب ماجانـا قـرار الزيـاده *** من مجلس اهل الجود وافين الاشبار
كـلٍ مـن الفرحـة بيقـدح زنـاده *** جبنا القروض نضارب السوق وانهار
وجينا نبي بـس الرجـا والهـواده *** والله وكيلك شبّت اسعارنا .. نـاااار
والراتـب الماخـوذ جتـه القـراده *** ماينزل الا..صافقه مثـل الاعصـار
فاتـورة الهاتـف وعاجـل سـداده *** والقرض والكهرب وتسديد الايجـار
والتاجـر المليـان جـاب الوسـاده *** يبـي يوصّـل راس مالـه لمليـار
والا المواطن صار..سهل اصطيـاده *** جته الهوامير بوسَط غـب الابحـار
واصبح نهار وليـل وسـط العيـاده *** مابين طب الراس والقلـب وشهـار
يامـن يوصّـل كلمتـي للقـيـاده *** للحاكـم المحبـوب والوالـد البـار
ماعاد نبغـى فـي الرواتـب زيـاده *** اللي نبيه اليوم تخفيـض الاسعـار

عز الله انه صدق

جبت الزبده بو مشعل

والله انك جيت على الجرح

مشكور أخوي وصح لسانك ولسان شاعرها

اي ولله صح لسانه حرام عليهم وش هالاسعار نااااار

الله يرحم حالنا وحال كل متضايق

يعطيك الف عافيه بومشعل

اختك دمعه ,,

صح لسانك بو مشعل الاسعار هذي الايام مرتفعه مررره
مدري ليه ؟؟!!
مشكورررررررررررر بو مشعل