قصـــــــــــــــه مؤلمـــــــــــــــــــــــــه ولكن ( الحمد لله والشكر على نعمه)

في يوم (21-1-1427)
سافر أخ-وزوجته-وخمسه من أخواته الى احدى مناطق المملكه
فمكثوا فيها أسبوع تقريباً(استانسوا كل يوم بيومه يوم السوق-ويوم مطعم-ويوم منتزه.......)
المهم قررو أنهم يرجعون الى اهلهم مع اخوهم الثاني وزوجته (كان شغلهم بنفس المنطقه)المهم
أخوهم اللي جو المنطقه معه(ص) قال لهم بتسافرون مع (ع) يوم الخميس وفرحو بالمره لأن اختهم الصغيره كانت مقرره أنهم يطلعون يوم الإربعاء الحديقه عشان تلعب وتستانس بالألعاب
فأخوهم (ع)
أتصل على أخته الكبيره وقال لها البنات صاحين ولا نايمين قالت نايمين قال لها صحيهم عشان الحين بنسافر(زعلت أختهم الصغيره مسكينه تبي تروح بنفس هذا اليوم الحديقه شوي وتصيح)المهم جاء أخوهم (ع) لبيت (ص) عشان ياخذهم ويسافرون (عشان وحده من خواته تدرس-والثانيه أستاذه)
طبعاً حملو أغراضهم وسافروا (هم يركبون سياره فوورد2007 أخوهم توه طلعها من الوكاله ماكملت شهر--- هم7 أشخاص)
زوجت أخوهم طلبت من البنت الصغيره أنها تركب عندها قدام ردت الصغيره خلاص هنا يكفي )
سافرو فكانوا يسولفون ويضحكون والبنات الثلاثه (أصغر شي من الأخوه) كانوا يلعبون (بلاب توب)
وفجئه لفت السياره وانقلبت تقريباً ثلاث قلبات وصار عليهم حادث انعدمت السياره الأخ(ع) هو الوحيد اللي صاحي بالحادث
والباقين نقلوا الى المستشفى ثلاثه منهم بالعنايه المركزه والثلاثه الباقيي منومين بالمستشفى
1-الأخت الكبرى تشتكي من الأضلاع (الحمد لله حالتها تتحسنت)
2-دخلت العنايه المركزه ثم طلعت منها بعد كم يوم طلعت منها وهي مثل المجنونه تصرفاتها غريبه اكملت علاجها عند الشيخ كانوا أهلها يقفلون عليها الأبواب بالمفاتيح ماخلوا ولا باب الا قفلوه(الحمد لله حالتها تتحسنت)
3-تشتكي من ظهرها وكتفها(الحمد لله حالتها تحسنت وتشتكي مرات من ظهرها)
4-دخلت العنايه المركزه وجلست فيها شهر أو اكثر(أختهم هاذي كانت مشاء الله مافيه مناسبه تفوتها ولا مشوار كانت اجتماعيه ومافيه احد ماتعرفه وصاحباتها كثار بالمره) وبحادث سبحان الله انقلبت حالتها فوق تحت طلعت من العنايه كانت أمها وأخوانها يقلبونها يمين يسار وعايشه على المغذي وتحسنت حالتها والحمد لله فكو المغذي وصارت تأكل شوي شوي
أختهم هاذي كانت احسن وحده فيهم بالجسم فجئه صارت أنحف وحده فيهم
طلعوها من المستشفى بعد فتره(أكثر من شهر) للبيت تخيلو نظرها كان غريب - فمها طول الوقت فاتح وفيه فطريات وجروح ماتتكلم غير انها تصارخ بس صراخها كان غريب حييييييييييييييييييييييييييييل -يدها
اليسرى طول الوقت بحلقها - رجولها الثنتين مثنيه تنام وتصحى وهي مثنيه والى اليوم وهي ماتمشي الحمد لله على كل حال(انشاء الله اكمل لكم قصتها)
5-زوجة الأخ دخلت العنايه عندها تقريباً شعر بالحوض وصلحوا لها عمليه في الساق والحمد لله جلست فتره في المستشفى بين العنايه والتنويم بالمستشفى تتكلم لكن كلامها مو واضح تمشي على عكاز كل مااحد ذكرها بالحادث تجلس تصيح الحمد لله تتكلم الحين بس مو مثل أول وتمشي بدون عكاز(الحمد لله)
6-الأخت الصغرى عندها شعر بالحوض وجنبتها اليسرى هي الي تأثرت تخيلوا يدها طول الوقت كان الثقل عليها لمن توقف تحس إنها واقفه وهي مايله لمن تحسنت الحمد لله شوي شوي وصارت ترفع يدها اكتشفت أن الجلد عندها في الأبط متقطع الحمد لله - ورجولها اليسرى تعرج منها - عندها عينها سبحان الله اليسرى ومن جهة اليسار كأنك صابه فيها دم حمراء بالمره والحين حالتها الحمدلله(مثل الحصان)
*** والأخ الله يكون بعونه زوجته لين الحين أمها مو راضيه ترجع لزوجها تقول زوجها هو السبب بالحادث وكل شي قضاء وقدر (الله يعينه )


واللي يقرأ القصــــــــــه كامله ويبي قصة أي وحده فيهم يعطيني خبر




أنشاء الله يكون هذا الموقف عظه وعبره والدنيا هاذي مو ماخذين منها شي غير العمل الصالح







فمن ابتلي بشي لاينسى أن يذكر الله
ويقول:
لاحول ولاقوة الا بالله وأن لله وانا اليه راجعون

أنا كاتبة القصه أتمنى أنكم تقرأونها كامله
أدري أنها طويله

شكرا لك ميلاد واعتقد إن القصة يكفي ما فيها من المآسي وارجو أن يتعظ بها الشباب

الله يرحمهم برحمته

آآآآآآآآآآآآآآآآآآآآآآآآمين