اليوم جايبه لكم كذا طريقه انشاء الله تعجبكم(اعطوني رايكم)
تراها سهله ممكن انك تصلحينها بدون ما تحتاجين احد
1-احضري سبت(سله) وضعي داخلها قطن ثم احضري ليف نخل ووزعيه فوق القطن كأنك تصلحين عش عصافير(ولكن الأفضل إنك تبلي الليف بالماء قبل استخدامه عشان مايتعبك)
ثم احضري بيض دجاج حسب عدد الأسئله اللي عندك وفرغيه من (الزلال-والبياض)وانقعيه بكلوركس وديتول (عشان تروح ريحته)واشطفيه بالماء وخليه يجف من الماء
اكتبي اسئله بورق(اما بخط يدك او بالكمبيوتر)ودخليه داخل الفراغ اللي صلحتيه بالبيضه
بعد كذا وزعي البيض داخل السبت فوق العش
وقبل ماتخلي البنات يقرون الأسئله اطرحي عليهم قصه
مثــــــــــــــــــــــــــــلاً:
إنكِ في الصباح خرجتي الى البستان وذهبتي الى قفص الذي بداخله عصفوره فلاحظتي أن العصفوره باضت لنا مثلاً5 بيضات كل بيضه تحتوي على سؤال(عشان تثيرين انتباههم) وبعدها توزعين البيض على الطالبات وتطلبين من كل وحده فيهم اخذت بيضه تطلع على السبوره وتكسرها داخل العش وتقرأ السؤال اللي داخلها وتجاوب عليه ولاتنسين تعززينها
2-تجيبي فلينه بيضاء وتبخينها بلونين ازرق(كأنه سماء)واخضر(كأنه عشب)
وبعدين تجيبين الفلين الأبيض المضغوط وترسمين عليه 3 غيوم -وعشب-وأرانب صغيره او ارنب واحد كبير
اذا كان ارنب واحد كبير لصقيه بالفلينه على الطرف
اما اذا كانت الأرانب صغار وزعيها على الفلينه بشكل عشوائي
(لكن لاتنسين بعد ماتقصين الفلينه بالمشرط انك تسنفرينه بإستخدام السنفره)
بعدها لصقي الغيوم على اللون الأزرق ، والعشب على اللون الأخضر ، والارانب على اللوحه بشكل عشوائي
بعدها اكتبي الأسئله بورق قصيها على شكل مستطيل وجيبي شمسيات صغيره ولصقي كل سؤال داخل شمسيه وخلي كل أرنب يمسك شمسيه ؛ أما إذا كان الأرنب كبير حطيه على الطرف والشمسيات وزعيها على اللوحه بشكل عشوائي
واطلبي من الطالبات اللي تختارينهم كل وحده تختار شمسيه وتقرأ السؤال اللي داخلها وتجاوب عليه
3- هذي الطريقه مناسبه لقسم الأقتصاد المنزلي
وخاصةً في المطبخ بعد ماتخلصين معهم الصنف
جيبي اكواب وصبيي فيها عصير ولكن قبل ماتصبينه جيبي (الكور ، او البيض الصغير البلاستيك وحطي داخل كل كوره سؤال وحطيها في الكاسه بعدها صبي عليها العصير)
اطلبي من التلميذات اللي وزعتي قدامهم أكواب العصير انهم يشربونه وأسئليهم ماذا شاهدتي داخل الكوب طبعاً تجاوبك كوره قولي لها افتحي الكوره ماذا تشاهدين داخلها طبعاً ورقه فيها سؤال خليها تقرأ السؤال وتجاوب عليه ولاتنسين التعزيز
------------------------------------------
انشـــــــــــــــــــــــــــــــــاء الله الأفكار تعجبكـــــــــــــــــم
لاتنسون ابي اشوف رايكم بأفكاري
اختكـــــــــــــــم ميـــــــــــــــــلاد
عمل نموذج لطرح اسئلة التقييم آخر الحصه 
العرض العادي
