:
:
:
:
:
دربي طويل وتايه فيه ممشاي
مثل الغريب اللي مضيع دليله
يحدني وقتي على ضيم دنياي
ورضيت بالمقسوم حتى قليله
ياطول صبري وآه يا كبر بلواي
أخفي عن العدوان همي وأشيله
أخاف أبوح بسر قلبي وشكواي
وتصير نفسي بين ربعي ذليله
أضحك ودايم بسمتي تسكن شفاي
ومن شاف حالي قال محد مثيله
وأنا بجوفي هم والنار بحشاي
والجرح ينزف والليالي طويله
والعمر يمضي بي وحاير بممشاي
محروم من طعم الحياة الجميله
الياس حل وماتت اليوم رجواي
ولا عاد لي غير الصبر من وسيله
يالله ياعالم بسري ونجواي
تشيل عن قلبي هموم ثقيله
طبعاً منقول ولكن أعجبتني القصيده وحبيت أنقلها لكم وأتمنى أن تعجبكم
مع تحياتي
أختكم
أم حمد
العمر يمضي 
العرض العادي
