السلام عليكم
هذي قصيدة رثاء لقيتها في احد المنتديات اسم العضو اللي كاتب القصديه كيمو
القصيده محزنه
وهذي أيضأ قصيده كتبها اخونا كيمو رثاء في والدته
يا وحشة قلبي من دونك.. يـا يـمـه !
يا يمه كيف أبوصفلك .. وانا ما عاد فيني حيل ** ** تشتت كل ما فيني .. وغطى نوري الأحزان
صبح امْن الفزع أسود .. يوحي بالشقى والويل ** ** صحيت بصوت فزعني .. يناديني كما السكران
جسم امك ترى اتشنج .. ومدري وشو التأويل ** ** تعال الحق على أمك .. جسدها حيل غدا بردان
ركضت بكل ما فيني .. عساني لهمها أزيل ** ** زحفـت بصوبها خايف .. وقلبي يرتجف حيران
جلالٍ فوق خصلتها .. على جنب اليمين تميل ** ** وجهٍ منور ومشرق .. راحـة بال واطمئنان
يا يمه ردي يا يمه .. خوذي لك شهيق طويل ** ** علامك ساكته يمه .. صار الصمت لك عنوان
يا يمه ردي يا يمه .. وش الي صار تالي الليل ** ** أكيد انك طلبتيني .. وخانك قلبي الخوان
طلبك بس أبي كلمة .. بلا شرح وبلا تفصيل ** ** مطلب غير هالكلمة .. ابعرف كود انا غلطان
يا يمه ردي يا يمه .. شوفي دمعتي بتسيـل ** ** أعرفك ما تخليني .. وقت الضيقة والأحزان
يا يمه لا تخليني .. وعلى قلبي هـمّ ثقيل ** ** يا يمه طالبك قومي .. إذا لي بعيونك شان
طلبتك يمه ضميني .. أنا محتاج لك بالحيل ** ** أشوفك ساكته يمه .. ثوب الموت يمك بان
وجاني علم صحاني .. وخلى دمعتي كالسيل ** ** قال: امك ترى ماتت .. عزاك الصبر والسلوان
تصبر واحتسب فيها .. خل الدمع والتهليل ** ** تراها حيل محتاجه .. دعاوي رحمة الرحمن
حسيّـت السما طاحت .. والأراضي ما تشيل ** ** حسيت الوجود أظلم .. واختفى كـل الأمان
ثم ذاع الخبر فينا .. وجا وقت الألم والويل ** ** خمس اناث جمعتهم .. واحنا يا الذكور ثمان
حالٍ كيف يتصور .. لو باحاول مستحيل ** ** كلن غارق بهمه .. جروحٍ تختلط باحزان
مثل الطفل لا ضاع .. يرتجف خايف ذليل ** ** دموعٍ عالخدود تطيح .. وقلبٍ يرتجف حيران
إلى من الخبر بيّن .. سمعت الشهق والتعويل ** ** كـلن منفجع فيها .. يـحس إنه غدا غرقان
يقول اني اكيد احلم .. والي تقوله مستحيل ** ** ابيك تغيّـر تبدل .. اكيد انك أبد غلطان
ترى أمْنا ما تخلينا .. بدون أسباب أو تعليل ** ** ترى أمْنا قلبها طيب .. لا يمكن تبكي انسان
بس الله أمر ياخذ .. وأمر الله ما يزيل ** ** عساها دوم في الجنة .. عساها آخر الأحزان
وقبل نشيل جثتها .. ضمينا جسدها حيـل ** ** كلن يرتجي منها .. بقايا حب أو تحنان
فسخت الخاتم بيدي .. بعد الضـم والتقبيل ** ** وسلمته يدين اختي .. عساه يخفف الأحزان
وضميت الي يقابلني .. ودمعي بلـل المنديل ** ** وانا ادعي دوم يا ربي .. جازي امي بالغفران
وجانا من يواسينا .. ولكن المصاب اجْـليل ** ** حياتٍ كيف ننساها .. صعب الهمّ والنسيان
ولكن القدر مكتوب .. ولا ينفع قال وقيل ** ** تصبَرنا على الفرقا .. وخلينا الصبر عنوان
ياوحشة قلبي من دونك .. ياوحشتنا توالي الليل ** ** يا شين البيت من دونك .. يا شمعة تنور الأركان
فقدتك يا بعد عمري .. يا نور دربي والدليل ** ** فقدت الراحة من بعدك .. فقدت الطيبة والتحنان
أحس الكون من بعدك .. خوف وألم تهويل ** ** من غبتي وغاب الحب.. واختفى كلّ الأمان
ولكن والله ما تغيبي .. ولا يمكن يحل بديل ** ** زولك في حنايا البيت .. وعطرك يملا كل مكان
بانقش اسمك بقلبي .. أنتِ ما مثلك مثيل ** ** إيه انتِ وبس انتِ .. وما مثلك أبد إنسـان
قـل "آمين" يا قاري .. عسى كل عناها يزيل ** ** عساها تكسب الجنة .. وتكسب شوفة الرحمن
تتمتع بجنة عدن .. وحلل ذنبها تحليل ** ** عسانا نجتمع فيها .. يا ذا الجود والإحسان
__________________
م ن ق و ل
قصيدة رثاء حزينه 
العرض العادي
