الخميـس
الخميس : ضحكة الاربعـا .. طفولة الجمعـه !
الخميس : ملايكه .. تحفر بجدار السمـا طريق للتوبه
الخميس : ريحـة الرزنامه الحلوه !
الخميس : ابتسامـة عامل بسيـط .
الخميس : بنفسـج الاسبـوع .
الخميس : لفتـ..تـك ..
ضحكـ..تـك ..
مشيتـ..تـك ..
تـك ..
تـك ..
تـك ..
هو يجـي ..
وانتـي تجيـن !!
********
قصيـده بيضـا
قلت :
ابي أكتب قصيده تشبـه صاحبـي …
ما لقيـت !
قلت : أحـــــاول ..
وأنتهيـت .
لكن تـوي ما أنكسـرت ..
يـجي ضوي .. ان طفيـت !
قلت : أحـــــــــــــــاول …
وأبتديـت :
صاحبـي .. ما هو فـراغ
صاحبـي : قصيـده بيضـا !!
******
حــوار
- ليه كلمة الـ " موجوع "
يجـي آخـرها : " .. جـوع " ؟
- …………… !
- ليه كلمـة " تـقـدم " ..
يجـي آخـرها : الـ " .. دم " ؟
- …………… !
- وش علمك صرت ( أطرم ) ..
أنا قلت شيء ممنـوع ؟!
******
الجيــم
عظيـم "الجيـم" !
هـو : الانـجـاز
والايـجـاز
والاعـجـاز
يكفيـه مـجـد .. انـه بـ"مـجـد"
وانـه جـمـع ما بين "نـجـد" ..
وبين "الحـجـاز" .
…………
ويكفيـه حـزن ..
انـه فـي وسـط هـ الـ"سـجـن" !!
********
مشهــد
الاول : شـدا ..
الثانـي : صدى ..صدى .. صدى .. صدى
الاول : يرميهـا قنابل
الثانـي : يجمعهـا زهـور !
الاول : الشاعـر
الثانـي : الجمهـور
- مسافات
- مسا .. فات .. فات .. فات
- عناوين
- عنا .. وين ؟ .. وين ؟ .. وين ؟
- علامات
- علا .. مات .. مات .. مات
- شياطين
- طين .. طين .. طين .. طين
- وش نبـي ؟
- نبـي نبـي .. نبـي نبـي .. نبـي
نبـي .. نبـي
نبـي …
………………
ما بقى غيـر : الطاوله .. والميكرفون .. وعامل نظافه غبـي !!
******
محاوله فاشله لكتابة قصيده
رميت الشمس في لحظة ملل
رمت عليّ الليل … وراحـت .
رميت النجمه ..
و
ط
ا
ح
ت
رميت (ضحكتي) بــ (زعـل) !
"خزنـه" صاحـت :
وش تسـوّي ؟!
قلت : أجمـع الكـون فـي ضـويّ ..
يمكن ألاقـي به لغـه ، تكتب لك قصيدة غـزل !!
]
اوراق مبعثرة لمحمد الرطيان 
العرض العادي
