تدري وش جابني لك لاتقول الحنان
جيت باشيل قلب(ن) طـــاح قدام عينك
الزمن هو زمانك والمكان المكان
واخر الشعر كلمه تسألك عنك وينك
من تقهويت صوتك سولف الزعفران
عاد وشلون فنجال(ن) تمده يمينك
تذكر شلون كنا والغلا كيف كان
يوم لاغبت عنك مااسمع الا ونينك
اشعر بخوف مدري كنت احس بأمان
يكفي ان جيت يمي طار فيني حنينك
شكثر كنت وافي اقرب الناس خان
بس اثق فيك حتـى لو عيوني تدينك
راحت سنين من عمري وعمرك ثمان
يوم شحت سنيني عوضتني سنينك
زان عمري بقربك يعني الوقت زان
حتى جرد القصايد ربعت في يدينك
طول عمري وانا لاوي ذراع الهوان
شفت يومك بعيني منهو يقدر يهينك
مذكر اني نسيتك واذكرك من زمان
واذكر اني ضحيه بين قلبي وبينك
تدري وش جابني لك لاتقول الحنان
جيت باشيل قلب(ن) طاح قدام عينك
«®°·.¸.•°°·.¸¸.•°°·.¸.•°®» اتمنى ان تنال على اعجاب الجميع «®°·.¸.•°°·.¸¸.•°°·.¸.•°®»
^&)§¤°^°§°^°¤§(&^ تحياتي ^&)§¤°^°§°^°¤§(&^
][][§¤°^°¤§][][سلطــــــــــــــــــــــــــ المملكه ــــــــــــــــــــــان][][§¤°^°¤§][][
تدري وش جابني لك لاتقول الحنان 
[/url[/img]
العرض العادي
