قلت الوداع وجاوبت دمعة العين
تجرح بسانين الخدود النديه
وغضت وشفت بعينها الحزن حزنين
وصاحت على الفرقى أنا مو قويه
وجاوبتهاارجوك تكفين تكفين
والله دمعك يشعل النار فيه
وقالت تعاهدني عهاد المحبين
الله يخون اللي يخون بخويه
قلت ابشري واللي خلق لاتظنين
حرام ماغيرك عشقت آدميه
وقصت شعرها قلت اناوش تسوين
قالت ابي من غرتي لك هديه
............
ونادتني الغربه على الهم والبين
احسٍٍٍب الايام روحه وجيه
وفي كل ليله ترتسم بين رمشين
خيالهابين الرموش الشقيه
غربة سنه في ذمتي غربة سنين
متى على الله يلتقي الحي حيه
خلاص هانت مابقى غير يومين
خلاص قفت غربتن جرهديه
............
ورجعت شوقي في خفوقي براكين
ورجعت اناكلي لها جاذبيه
وسألت ماردوا.وانااصيح هي {وين}
وكلن نثر من داخل العين ميه
وفي معمعة حزني تلقيت رمحين
قالوا توفت غافلتهاالمنيه
وفي غرغرتها ماذكرت غير حرفين
تشهدت باسمك شفاه البنيه
وتزاحمت في داخلي الف سكين
والحزن يطويني ثمانين طيه
.....
صدمه وجابتني على الارض نصفين
وشلون راحت دون ذنب وخطيه
تكفوووون دلوني على القبر هالحين
ماعادفيني للصبر مقدريه
وقفت اطالع قبرها بين نصبين
ىجلست اظم اغلى النصايب عليه
واصيح وشبك يالغلاماتردين
اشتقت همس شفاهك النرجسيه
وش فيك .جييييييييت من السفر ماتهلين
ماهي بلك عاده ولانتي رديه
وحاولت في لحظه انا اجرح الدين
وازيح تربة قبرها في يديه
وبالغصب شالوني حشى تقل مسكين
واصرخ بهم والله والله حيه
وقفت وتاهت بي جميع العناوين
والحزن يلعب داخلي سامريه
................
ورجعت لدروب الشقى قبل عامين
مدري من اللي صار فينا الضحيه
رجع مالقى حبيبته..وشوفواشسوى 
]
[/url[/img]
العرض العادي
