الموضوع: إستجواب في المطبخ

هـــلا فيـــكم
هذا موضوع للبنات فقط.....لكن مافي مشكله من دخول الرجال لتعليق على اجوبة البنوتات
والموضوع هو

ان ودي نتعرف على بدايتك في المطبخ لان البدايات تحمل ذكريات حلوه

مابين المحرجه والمضحكة

تعالوا بنا نتذكر تلك الأيام من خلال هالأسئله

1/ متى أول مره بديتي تطبخين؟

2/ وش أول شي طبختيه؟

3/ ماردة فعل اللي طبختي لهم وكلوا من أكلك لأول مره؟

4/ ماهو شعورك من خلال أول ردة فعل؟

5/ هل مازلتي تطبخين حتى الأن؟

6/ تحبين المطبخ ولاّ ؟

7/ موقف طريف مر عليك أثناء الطبخ ؟

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

9/ احسن طبخه تحبينها وتنصحين بقية الاعضاء بتجبربتها؟

10/ نصيحه منك للمبتدئين في المطبخ؟

* اختاري ثلاث من الاكلات او المشروبات واهديها لمن تحبين من الاعضاء

1- اهداء للعضو الاول
2- اهداء للعضو الثاني
3- اهداء للعضو الثالث

* من ترشحي من العضوات تشرفنا بالإجابه على الأسئله السابقهـ ؟

ان شااااء الله الموضوع يعجبكم

ونبدأ مع الغالية

ورد جوري

احدث المواضيع:

• عزومة خاصة لورد جورى ودلع تتفرج عليها...
• كيكه في كوووب قهوتك؟؟؟
• عندما يطبخ الرجل ؟؟
• وصفات حديثه لتطويل الشعر
• عرض ملابس رائع للمجبات
• قوانين قسم المأكولات الشهية
• الأكلة المرعبة..
• فكرة غريبة وبسيطة لتقديم كيكة للعرسان..
• حلى سهل ولايقاوم بالصور
• وصفة لذيذة للجائعين ليلاً

ههههههههههههههههههه

موضوع مره حلو

وننتظر ورد جوري

يعطيك العافيه ضوء القمر

على الأفكار الروووووووووووووعه

تحيتي لك

موضوع مررررررررررررررره حلو
بانتظار ورد

هلا والله بملودة
وبنوته ذوووق
منورين يالغلا
لاحرمني الله تواجدكم الحلو

بس وينها ورد
احنا في انتظارك

مشكوره ياعسل على الموضوع الرووووووووووووووعة


ومشكوره على دعوتك لي وهذ شرف لي أني اكون اول وحدة بالموضوع لك يالغالية


ونبدأ بسم الله

1/ متى أول مره بديتي تطبخين؟

اول مره كنت في رابع ابتدائي وكان مو طبخ بس اسوي حلى

2/ وش أول شي طبختيه؟
كان بداياتي بالحلى وكان اول شي بسكويت بالسمسم وبعدها صرت بالمعجنات

3/ ماردة فعل اللي طبختي لهم وكلوا من أكلك لأول مره؟
ردت فعلهم فرحانين عشان يبون يأكلون وبس
من اول تجربة نجح معاي البسكويت وكان لذيذ مرره واكله كله ما بقى شي منه

4/ ماهو شعورك من خلال أول ردة فعل؟

كنت سعيدة وفرحانه لاني أحب المطبخ حييل وصرت كل يوم ابي اسوي لهم بسكويت

5/ هل مازلتي تطبخين حتى الأن؟
افا عليك أكيد أطبخ واكثر من اول بعد لا يغرك تواجدي بالمنتدى دائم
لاني من الممارسة في الطبخ صرت سريعة وعادي يمكن تشوفين هنا وانا من ربع ساعة مسويه احلى طبخه للعشا

6/ تحبين المطبخ ولاّ ؟
أحب المطبخ من أنا صغيره وأحب اشتري اغراض المطبخ ومواعين كمان

حيل احب ادخل محلات اطقم المواعين للمطبخ

7/ موقف طريف مر عليك أثناء الطبخ ؟
صراحة ما يحضرني هالحين وحاليا أنا مريضة وما اقدر افكر زين من مرضي بس
أحاول اعوض غياب المستمر عن المنتدى

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟
يعجبني الرجل بشكل عام اللي يطبخ ويدخل يساعد وما يقول أن المطبخ للحرمه بس
اذا كان اخوي او زوج المستقبل مش فوضوي ما عندي مشكلة ان يساعدني بالعكس
يمكن بكلمة حلوه اخليه يطبخ وانا اناظر فيه
ام اذا كان فوضوي ما اقدر ما احب يدخل وسوي الفوضة فكل مكان
ويخرب طبختي بس بصراحة غالبا طبختي احب ما يدخل فيها احد ابد عشان يكون

نفسي في طبخ حلو

9/ احسن طبخه تحبينها وتنصحين بقية الاعضاء بتجبربتها؟
والله في طبخات كثيره اسويها حلوه بس احب مكرونة بالبيتزا

10/ نصيحه منك للمبتدئين في المطبخ؟
أنصح المبتدئين أنهم يستمروا في الطبخ حتى لو احترقت الطبخة او صارت مالحة او بدون
لان مع الاستمرار واللمارسة راح تكون أفضل

وأنصح كل البنات مهما كنت مدلعة بالبيت حلو انها تتعلم الطبخ قبل ما تزوج
وتتفشل مع زوج المستقبل على الاقل لو تعلمت وغلطت راح تكون جنب امها وراح تعلمهامن
ارشادتها لكن لو رحت لزوج المستقبل مافيش حد غيره وراح تفشل نفسه معاه
رغم أنا ما ميتو ابد ما اجبرتني على الطبخ واعتمد عليها بس كنت اقول البنت
لازم تكون كامله من كل شي يخصها تتعلم كل امور الانثى حتى لو ما طبخت كثير

بس يكفي أني ما اخلي في يوم رجل يضحك ولا يسخر مني أبدا

* اختاري ثلاث من الاكلات او المشروبات واهديها لمن تحبين من الاعضاء

1- اهداء للعضو الاول

أهدي ضوء القمر ورق عنب من ايدي

2- اهداء للعضو الثاني

اهدي دمعة صينية مكرونة بالبيتزا

3- اهداء للعضو الثالث
اهدي ميلاد كفتة بطاطس مع كوكتيل

* من ترشحي من العضوات تشرفنا بالإجابه على الأسئله السابقهـ ؟

أرشح المنسية

لك شكري ضوء القمر

ودمتم بخير

وعليكم السلام ورحمة الله وبركاته

الله يعطيك العافية حبيبتي على روعه طرحك وموضوعك جدا رائع واحب اشكر ورد جوري على استضافتها لي وعلى روعه اجوبتها اللي ماتختلف عن اجوبتي لكن لايمنع هذا من المشاركة معكم

1/ متى أول مره بديتي تطبخين؟

أول دخول لي بالمطبخ كان بصف رابع ابتدائي كنت اول ماناخذ درس بالتدبير اجي اسويها طيران بالبيت عشان بس ماانسى اللي اخذناه ومنها اذوق اهلي طبخي

2/ وش أول شي طبختيه؟

أول طبخه بسكويت بالمربى وكيك اسفنجي بعدها حبيت استمر في طهي الحلويات ... الخ من باقي الوصفات .

3/ ماردة فعل اللي طبختي لهم وكلوا من أكلك لأول مره؟

فرحت امي وكذلك ابوي بما اني بنتهم الكبيرة وبديت اتعلم اطبخ وكانوا يشجعوني كثير حتى لو موحلو بس عشان اتعلم

4/ ماهو شعورك من خلال أول ردة فعل؟

فرررررررررررحت كثير وحسيت مسويه معجزة العالم هههههههههه لان طبختي الاولى اخذت مني ست ساعات فبعد جهد جهيد استوى البسكوت والكيك <<<< حشى مو بسكوت هذا

5/ هل مازلتي تطبخين حتى الأن؟

اكيد لازلت اطبخ وانا اعتبر البنت الشاطره لازم تتقن فن الطهي بانواعه ابتداءبالاطباق الرئيسية وانتهاء بالسلطات .

6/ تحبين المطبخ ولاّ ؟

اكيد احبه واحب اتفنن فيه وابدع بمطبخي

7/ موقف طريف مر عليك أثناء الطبخ ؟

اممممممممممم اول ماتعلمنا انا واختي نطبخ بقدر الكاتم كان عمري ذاك الوقت 10سنوات واختي عمرها 6سنوات وامي ماكانت بالبيت حبيت اسوي مرق لحم بالخضار شغلنا انا وياها النار عالقدر الكاتم بس عاللحمه بدون اضافه الخضار تركناها ساعه عالنار ورحنا نلعب بالحوش ونسيناها والله ستر مانفجر القدر والمطبخ علينا ههههههههههه هذا الموقف بحد ذاته اذا تذكرته انا واختي نضحك على بعض

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

ايه اايد دخول الرجل للمطبخ سواء معي او ليطبخ بنفسه احب اشجعه واخليه يتعلم .

9/ احسن طبخه تحبينها وتنصحين بقية الاعضاء بتجبربتها؟

امممممممممم احب اطبخ الاطباق الرئيسية اكثر فانصح الاعضاء بطهي الجريش بجد لذيذ مره

10/ نصيحه منك للمبتدئين في المطبخ؟

نصيحتي لكل بنت تتعلم دامها ببيت اهلها وماراح اكرر كلام ورد جوري لانها نفس نصيحتي لكل بنت فتعلمي دامك ببيت اهلك قبل لاتتعرضين لمواقف بايخه في حياتك الزوجيه هذا اللي اقدر اوصله لكم

* اختاري ثلاث من الاكلات او المشروبات واهديها لمن تحبين من الاعضاء

1- اهداء للعضو الاول
اهدي اخوي سام كبسة عشان يسمن زياده

2- اهداء للعضو الثاني
لورد جوري اهديها كورن فليكس بالحليب عشان الرشاقه
3- اهداء للعضو الثالث

دمعه ضايعه اهديها كوب حليب وبسكوت شاهي ينصحون فيه لها هع

* من ترشحي من العضوات تشرفنا بالإجابه على الأسئله السابقهـ ؟

ارشح من بعدي مراسيل ميلاد



الله يعطيك العافية حبيباتي على روعه طرحكم واتمنى كنت ضيفه خفيفة الظل عليكم

تحياتي لكم